陳奕迅Get A Life演唱會.....勁正!!!

啱啱睇完Eason演唱會，勁正......整體表現唔錯。
Eason好投入，唱得好好，佢揀啲歌好多都係我鐘意嘅......正!!
美中不足係佢同漢堡交響樂團個part有啲甩左。
而舞台，道具，燈光 & Dancer啲衫都好得，
反而Eason啲衫就有啲得有啲麻麻地。

好欣賞佢全場無乜點講嘢，淨係唱歌，唱完一首又一首.....
現場氣氛尤其正，搞到Eason唔encore都唔得，
佢唱埋 "K歌之王" 同 "天下無雙" 先完show。

Eason響跳舞方面亦有好大進步，呢啲雖然係EO2嘅功勞，
但係都唔使同佢地合唱掛? 佢地跳舞叻，俾佢地伴舞咪夠囉!
何必合唱累人 (EO2俾人鬧) 累己 (同個show唔夾) 呢!!

最衰係大會竟然又係派嗰啲吹氣棒棒，
而啲人就當然又係 "係又拍，唔係又拍"，
搞到耳邊 "啪啪聲" 之餘，眼前仲 "左撥右撥"，勁騷擾......

頭先坐我哋前面嗰兩個女仔真慘，俾人左右夾攻，
見佢哋縮無可縮，真可憐!!
究竟啲人幾時先至可以唔咁自私，理吓人哋，
唔好拍得咁太力同咁大動作?