軟硬果然厲害，人未出，fans先hot，
到軟硬出場，大家已經熱爆紅館......
其實今次「軟硬天師Long Time No See演唱會」，
應該叫「軟硬天師 估佢唔到演唱會」，因為......
估唔到演唱會都可以做到未出發先興奮，奇在睇完仲未興奮完!!
估唔到兩張連位飛竟然唔同閘入，一Y一R，紅館嘅座位安排真奇怪!
估唔到演唱會贈品可以咁有誠意，送高成本製作嘅軟硬面具!
估唔到坐死角位反而因禍得褔，坐咗唯一有舞台嘅死角位!
估唔到夠膽死響觀眾未入齊場就開show，令準時嘅我有啲心涼!
估唔到軟硬fans hot得咁緊要，仲要係由頭hot到落尾嗰隻!!
估唔到會有個咁醜嘅舞台，話係天台喎，真係講咗都唔覺?
估唔到演唱會可以一開始就係握手位，搞到啲觀眾high上加high!!
估唔到吹氣棒棒原來可以唔係咁乞我憎，睇怕都係只此一次?
估唔到嘉賓位咁正，黃貫中&恭碩良係得嘅!!
估唔到會有咁多廣告位，啲手機燈著晒又真係幾靚喎!
估唔到演唱會可以做到咁，講吓又唱吓，接到之餘仲近乎無冷場!
估唔到兩個十年無傾偈嘅人，再合作都仲咁掂!!
估唔到好睇成咁，簡直超乎我所想，排餐死賣飛都係值得嘅!!!
